REDHOT POST
115 READERS

රජරට ජනයාගෙන් පලිගැනීම වැරදියි-කෙනෙහිලිකම් ගැන ජනපති කටඅරියි

මොරගහකන්ද-කළුගඟ ව්‍යාපෘතිය ක්‍රියාත්මක කරලීමට බාධා කරමින් තමාට දිගින් දිගටම කෙනෙහිලිකම් කළ බව ජනාධිපති මෛත්‍රීපාල සිරිසේන මහතා පවසයි.

posted on 2016-07-25 19:10:19

FlashMan
InfoThug Staff
log in to share this post

CopyRight:Ada Derana Sinhala

( This news originally published on Ada Derana Sinhala )


මොරගහකන්ද-කළුගඟ ව්‍යාපෘතිය ක්‍රියාත්මක කරලීමට බාධා කරමින් තමාට දිගින් දිගටම කෙනෙහිලිකම් කළ බව ජනාධිපති මෛත්‍රීපාල සිරිසේන මහතා පවසයි.

94 වසරේ පොදුජන එක්සත් පෙරමුණේ අපේක්ෂිකාව ලෙස චන්ද්‍රිකා බණ්ඩාරනායක මැතිනිය පොළොන්නරුවට පැමිණි අවස්ථාවේදී තම රජය යටතේ රජරට ප්‍රදේශයට ඉටුවිය යුතු සේවය කුමක්දැයි ඇසූ බවත්,එහිදී තමන් ඉල්ලා සිටියේ රජරට ජනයාගේ ජල ප්‍රශ්නය විසඳීම සඳහා මොරගහකන්ද-කළුගඟ ව්‍යාපෘතිය ක්‍රියාත්මක කරන ලෙස බව ජනාධිපතිවරයා සිහිපත් කළේය.

පොදුජන එක්සත් පෙරමුණ රජය සමයේ තමාට ලැබුණු නියෝජ්‍ය අමාත්‍යධූරයේ වගකීමද රැගෙන ඉංජිනේරු අචාර්ය ඒ.එන්.එස් කුලසිංහ මහතා ප්‍රමුඛ තාක්ෂණ ශිල්පින් ආදීන් සමගින් මොරගහකන්ද ප්‍රදේශයේ සංචාරය කළ බවත්,එහිදී කුලසිංහ මහතා විසින් මෙම ජල ව්‍යාපෘතියේ කටයුතු සිදුවිය යුතු ආකාරය සම්බන්ධයෙන් තමා‍ට උපදෙස් ලබාදුන්නු බවත් ජනාධිපතිවරයා සඳහන් කළේය.

එසේ වුවද චන්ද්‍රිකා මැතිනියගේ සමයේද මෙම ව්‍යාපෘතිය ක්‍රියාත්මක කිරීමට හැකියාවක් නොවුණු බවත්,ඉක්බිතිව 2005 වසරේදී මහින්ද රාජපක්ෂ මහතාගේ නායකත්වයෙන් සන්ධානය ලෙස මැතිවරණයට තරඟ කරද්දීද රාජපක්ෂ මහතා පොළොන්නරුවට ගෙන්වා පවත්වන ලද රැළියේදී මෙම ප්‍රදේශයට ඉටුකළ යුතු කාර්යයන් මොනවාදැයි විමසූ බව ජනාධිපතිවරයා පෙන්වා දුන්නේය.

ඒ අනුව එම අවස්ථාවේදීද රජරට ජනයාට අත්‍යවශ්‍ය ජලය සපයා ගැනීමට මෙම ව්‍යාපෘතිය ක්‍රියාත්මක කළ යුතු බව තමන් පෙන්වා දුන් බවත්,ඒ අනුව එම කටයුත්ත ඉටුකරන බවට මහින්ද රාජපක්ෂ මහතා පොරොන්දු වූ බවද හෙතෙම අවධාරණය කළේය.

ඒ ආකාරයෙන් 2005 මැතිවරණය ජයග්‍රහණය කිරීමෙන් පසුව මෙම පොරොන්දුව ඉටුකරන ලෙස තමන් දිගින් දිගටම හිටපු ජනාධිපතිවරයාට බලපෑම් කළ බවත්,අවසානයේ 'එසේ නම් මෙම ව්‍යාපෘතිය ආරම්භ කරන්නට සිදුවන්නේ මුදල් නැතිව'යයි රාජපක්ෂ මහතා දැනුම්දුන් බවත් සිරිසේන මහතා සිහිපත් කළේය.

මුදල් සොයා ගැනීම පසුව සිදුකළ හැකි බවත්,මේ කටයුත්ත කෙසේ හෝ ආරම්භ කළ යුතු බවට තමන් විසින් කළ ඇවිටිල්ල අහකදැමීමට නොහැකි තැන මෙම ව්‍යාපෘතිය ඉටුකිරීමට අවසර ලබාදුන් බවත්,ඒ අනුව 2007 ජනවාරි මස 25 වන දින මොරගහකන්ද-කළුගඟ ව්‍යාපෘතියට මුල්ගල තැබූ බවත් ජනාධිපතිවරයා පෙන්වා දුන්නේය.

ඒ ආකාරයට මෙම ව්‍යාපෘතිය හිටපු ජනාධිපතිවරයාගේ සහභාගිත්වයෙන් ආරම්භ කොට මුල් ගල තබා දින දෙකක් යන විටම අමාත්‍ය මණ්ඩල සංශෝධනයක් ගෙනවිත් මහවැලි විෂය තමාගෙන් ඉවත් කළ බවත්,ඒ අවස්ථාවේ මෙම ව්‍යාපෘතිය ක්‍රියාත්මක කරලීමට තමාට අත්‍යවශ්‍ය බැවින් මහවැලි විෂය යළි ලබාදෙන ලෙස තමන් දැඩි බලපෑමක් කළ බව ජනාධිපතිවරයා අවධාරණය කළේය.

ඒ අනුව අවසානයේ'මෙන්න මේ යකාට ඔන්න ඕක දීලා දානවා'යයි මහින්ද රාජපක්ෂ මහතා විසින් බැසිල් රාජපක්ෂ මහතාට දැනුම් දුන් බවත්,ඒ අනුව ජනවාරි 28 දින ගැසට් නිවේදනයක් මගින් මහැවැලි විෂය තමාට නැවත ලබාදුන් නමුත් වසර 5ක් යනතුරුත් මෙම ව්‍යාපෘතිය ආරම්භ කිරීම සඳහා මුදල් ලබා නොදුන් බව ඔහු පෙන්වා දුන්නේය.

මේ හේතුව නිසා තමන් ජපානයේ ජයිකා ආයතනයත්,චීනය සමගත් සාකච්ඡා කොට මෙම ව්‍යාපෘතිය ක්‍රියාත්මක කරලීමට උත්සාහ දැරූ නමුත් ඉහළින් පැමිණි බලපෑම් හේතුවෙන් තමාට එම කටයුත්ත ඉටු කර ගැනීමට හැකිනොවුණු බව ජනාධිපතිවරයා සඳහන් කළේය.

නියමිත කාලයේ සැලසුම් කළ පරිදි මෙම ව්‍යාපෘතියේ කටයුතු ආරම්භ කිරීමට හැකියාවක් ලැබුණිනම් 2012 වන විට එම කටයුතු නිමා කොට රජරට ජනතාවගේ උග්‍ර ජල ප්‍රශ්නයට මේවන විටත් විසඳුම් ලැබීමට ඉඩතිබුණු බවත්,එහෙත් දැන් මෙම ව්‍යාපෘතියේ කටයුතු නිමාකරලීමට 2018 වනතුරු බලා සිටින්නට සිදුවන බවත් ඔහු කියා සිටියේය.

තමා සමග පුද්ගලිකව ප්‍රශ්නයක් තිබුණද රජරට ජනතාවගෙන් පලිගන්නට ක්‍රියා කිරීම ඉතා වැරදි බව ජනාධිපතිවරයා මෙහිදී යළි යළිත් අවධාරණය කළේය.

2015 ජනවාරි 08 වන දින ජයග්‍රහණයෙන් පසුව එජාපය,ඇතුළු තමා ජයග්‍රහණය කරලීමට සහයවූ සියලුම දේශපාලන පක්ෂ හා සිවිල් සංවිධාන එක්ව අමාත්‍යංශ විෂය ක්ෂේත්‍රයන් බෙදාගැනීම සම්බන්ධයෙන් සිදුකළ සාකච්ඡාවේදී තමන්ට නියමිත අමාත්‍යංශවලට අමතරව කුමන අමාත්‍යංශයක් අවශ්‍යදැයි කළ විමසීමේදී තමන් එක හෙළාම ඉල්ලා සිටියේ මහවැලි අමාත්‍යංශය බවත්,තමා දුටු මොරගහකන්ද සිහිනය සැබෑකරගනු පිණිස එම ඉල්ලීම කළ බවත් ඔහු සඳහන් කළේය.

අද(25)මො‍රගහකන්ද-කළු ගඟ ව්‍යාපෘතියට අදාළව නිධන් වස්තු තැන්පත් කරලීමේ උත්සවයට එක්වෙමින් ජනාධිපතිවරයා මෙම අදහස් පළ කළේය.


( This news originally published on Ada Derana Sinhala )




FlashMan is a senior Staff member of InfoThug.com


Facebook Comments


Tags:president,media,northcentral,people,mpragahakandha

YOUR REACTION?



Members Reactions






News











Red Hot Facts

සී.අයි.ඩී ය ෆොන්සේකාගෙන් පැය 5ක ප්‍රකාශයක් ගනියි

නියඟය දරුණුයි. වතුර විතරක් නෙමෙයි. කන්න දේවලුත් ගොඩ ගහගන්න

ආයෙමත් මෛත්‍රී තමයි-එස්.බී කියයි

හම්බන්තොට යුද්ධයක් - 22කට තුවාලයි

මෙවර උසස් පෙළ හපන්නු මෙන්න

සුපිරි ඇමති තනන පනත ගැන ඇත්ත මෙන්න

එදා ඉදිකරලා හොරකම් කළා - මෙදා විකුණලා හොරකම් කරනවා

වොක්ස්වැගන් කර්මාන්ත ශාලාවට අද මුල්ගල් තැබෙයි

සීමා නිර්ණය වාර්තාව මුස්තාෆා ප්‍රතික්ෂේප කරයි

ආණ්ඩුවේ වැඩපිළිවෙළ රාජ්‍ය දේපල විකිණීමයි

නිදහස් සෞඛ්‍ය සේවාව ශක්තිමත් කරන්න රජය කැපවෙනවා

හිටපු අගමැති වෙනුවෙන් මෝදි ශෝක වෙයි

ඡන්දය තවත් කල්දාන්න සැලසුම් සහගත උප්පරවැට්ටියක්

ගිය ආණ්ඩුව සාමය ගොඩනැඟුවා

තිස්සට රටින් පිට යන්න බෑ - යාපනය පොලිසියේ පස්දෙනා යළි රිමාන්ඩ්

ජනපති මැලේසියාව බලා පිටත්වෙයි

පෞද්ගලික විශ්වවිද්‍යාල තව තවත් බිහි කිරීමට අපේ අවධානය යොමු වී තිබෙනවා

ඉදිරියේදී අපි රෝගීන්ව ගුවනින් ගෙන යනවා

ලොව විශාලතම නත්තල් ගස යළි ඉදි‍වෙයි

පරදින ඡන්දවලට මහින්ද ඇවිත් පළක් නෑ